კოკო გამსახურდია, მთავარ არხს დათა თუთაშხიას ფრაზით მიმართავს!

“ეშმაკობ მუშნი”.

აქ ისე გამოყავთ, თითქოს ჩვენ ესპანეთში მხოლოდ იმიტომ ჩამოვედით, რომ საკვირაო სკოლის ბავშვებს შევხვედროდით”, აღნიშნავს განცხადებაში, რომელიც კონსტანტინე გამსხურდიამ სოციალურ ქსელში გამოაქვეყნა.

მისი განცხადებით  ვიზიტი უპირველეს ყოვლისა უკავშირდება უაღრესად ფასეული წიგნების შეძენას პარლამენტის ეროვნული ბიბლიოთეკისთვის. (მე-16 საუკუნის გამოცემები) და დაგეგმილია შეხვედრა იქაურ ბიბლიოთეკაშიც.

   “სკოლაში კი ნამდვილად მივედით, აქაური საელჩოს და საკონსულოს წარმომადგენლებთან ერთად და უნდა გითხრათ, რომ მხოლოდ განცვიფრებას, მოწიწებას და აღტაცებას იმსახურებს ამ სკოლის ქართველ მასწავლებელთა თითქმის თავგანწირვამდე მისული ენთუზიაზმი და შრომა, რათა ემიგრირებული ქართული ოჯახების ბავშვებმა არ დაკარგონ ქართული ენა და კულტურა.

და ეს არამარტო აქ, მადრიდში, არამედ ყველგან, სადაც ასეთი სკოლები არსებობს. ჩვენ ჯეროვანი პატივი უნდა მივაგოთ ამ ადამიანების უხმაურო, თავდადებულ მსახურებას, მათ პატრიოტიზმს”.