პოლიტიკა
ანრი ოხანაშვილი: დავრწმუნდი, რომ პრეზიდენტის შენიშვნები არგუმენტირებული არ იყო
- ნახვები501
- ლაიქები0
საპარლამენტო უმრავლესობის წევრის ანრი ოხანაშვილის შეფასებით, პრეზიდენტის მოტივირებული შენიშვნები არაარგუმენტირებული იყო და ძირითადად ჰიპოთეზას ეფუძნებოდა:
„მინდა, ორიოდე სიტყვით შევეხო ვეტოს საკითხს, ყურადღებით გავეცანით ყველა იმ შენიშვნას, რომელიც წარმოდგენილი იყო პრეზიდენტის შენიშვნებში, საკომიტეტო მოსმენაზე გვქონდა აქტიური მსჯელობა და დისკუსია ყველა იმ საკითხთან დაკავშირებით, რა საკითხებიც შენიშვნის სახით იყო წარმოდგენილი, თუმცა ყველა საკითხი მთლიანობაში ეფუძნებოდა ჰიპოთეზას, მხოლოდ მიმართული იყო ვარაუდებზე, არა ფაქტებზე, არგუმენტებზე, აქედან გამომდინარე, მე დავრწმუნდი იმაში, რომ შენიშვნები არ იყო არგუმენტირებული“,-აღნიშნა ოხანაშვილმა პარლამენტის რიგგარეშე პლენარულ სხდომაზე.
სხვა საკითხებთან ერთად, სხდომაზე დეპუტატები პრეზიდენტის მიერ წარდგენილ მოტივირებულ შენიშვნებზე იმსჯელებენ. შეგახსენებთ, პრეზიდენტმა „ადგილობრივი თვითმმართველობის კოდექსს” და „საარჩევნო კოდექსში“ შესატან ცვლილებებს 20 ივლისს ვეტო დაადო.
