ALL დაიჯესტიNews დაიჯესტი
მაკა ბოჭორიშვილიც უცხო ქვეყნების ინტერესებს ატარებდა?!
- ნახვები430
- ლაიქები0
ანა წითლიძის კითხვა საკონსტიტუციო სასამართლოში: ვრცელდება თუ არა „უცხო ქვეყნების ინტერესების გატარების“ ბრალდება მაკა ბოჭორიშვილზეც?
„ნაციონალური მოძრაობის“ წარმომადგენელმა ანა წითლიძემ საკონსტიტუციო სასამართლოში კითხვა დასვა: თუ „ნაციონალური მოძრაობის“ ცხრაწლიანი მმართველობის პერიოდის ერთ-ერთი მთავარი ბრალდება უცხო ქვეყნების ინტერესების გატარებაა, ვრცელდება თუ არა ეს ბრალდება იმ ჩინოვნიკებზეც, რომლებიც წინა ხელისუფლების დროსაც იკავებდნენ თანამდებობებს და დღესაც მაღალ თანამდებობებზე მუშაობენ?
მაგალითად, წითლიძემ საგარეო საქმეთა მინისტრი მაკა ბოჭორიშვილი დაასახელა, რომელიც „ნაციონალური მოძრაობის“ ხელისუფლებაში ყოფნის პერიოდში სხვადასხვა დიპლომატიურ წარმომადგენლობაში მუშაობდა.
ანა წითლიძის კითხვა პოლიტიკური პასუხისმგებლობისა და ორმაგი სტანდარტების საკითხს აყენებს: თუ წინა ხელისუფლების პერიოდის საქმიანობა უცხო ქვეყნების ინტერესების გატარების ბრალდების საფუძველია, რატომ არ უნდა დაისვას იგივე კითხვა იმ მაღალჩინოსნებთან დაკავშირებით, რომლებიც მაშინაც სახელმწიფო სამსახურში იყვნენ და დღესაც თანამდებობებს იკავებენ?
აღსანიშნავია, რომ დიპლომატიურ სამსახურში მუშაობა თავისთავად უცხო ქვეყნის ინტერესების გატარებას არ ადასტურებს.
მოამზადა რუსა გვაზავა
