News დაიჯესტი

რას ჰყვება პეკინზე დაჭრილი ბავშვის მამა

როგორც რადიო თავისუფლებას ბავშვის მამა უყვება, პეკინის გამზირზე, როდესაც ის მეუღლესთან და 3 წლის ტყუპ შვილებთან იმყოფებოდა, მის ერთ-ერთ შვილს მოულოდნელად ოჯახისთვის აბსოლუტურად უცნობი ქალი დაესხა თავს.

„სასეირნოდ ვიყავით გამოსული ქუჩაში, შევამჩნიე, რომ გამვლელი ქალი მოგვიახლოვდა და ბავშვისკენ გადაიხარა, მეგონა რომ მოფერებას აპირებდა, ასე გამვლელები ხშირად ეფერებიან ხოლმე ბავშვს და ბუნებრივ საქციელად ჩავთვალე. შემდეგ უკვე მეორე ბავშვისკენ გამოიწია, დანა რომ ეჭირა ხელში ეგეც კი გვიან შევამჩნიე, ჩემი მეუღლის და ბავშვის ტირილზე გავაცნობიერე, რომ რაღაცა მოხდა, მერე დავინახე რომ ბავშვს სისხლი მოსდიოდა“,- უყვება რადიო თავისუფლებას ბავშვის მამა.

როგორც მამა ყვება, მოულოდნელობისგან იმდენად დაიბნა, რომ სასწრაფოს გამოძახებაც კი გამვლელებმა დაასწრეს. მისივე სიტყვებით, მანამდე მას თავდამსხმელი უბანში არასოდეს შეუმჩნევია.

„ასე გამვლელებს ხომ არ ვაკვირდებით, არა? წარმოდგენა არ მაქვს ვინ იყო და რა ამოძრავებდა“,- ამბობს ბავშვის მამა.

სრულად იხილეთ “რადიო თავისუფლებაზე”


Show More

Related Articles

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Close