News დაიჯესტი
ცოტა ხნის წინ, საქართველოში კორონავირუსის ინდური შტამი დადასტურდა – ინფიცირებულია ხუთი უცხოელი მოქალაქე
- ნახვები2870
- ლაიქები0
საქართველოში კორონავირუსის ინდური შტამი დადასტურდა.აღნიშნულ ინფორმაციას დაავადებათა კონტროლის ეროვნულ ცენტრი ავრცელებს.
როგორც ირკევა, ინფიცირებულია ხუთი უცხოელი მოქალაქე.
ყველა ინფიცირებული ამ დროისთვის იდენტიფიცირებული და იზოლირებულია.
“მოგახსენებთ, რომ კომპეტენციის ფარგლებში, დაავადებათა კონტროლისა და საზოგადოებრივი ჯანმრთელობის ეროვნული ცენტრი მუდმივად აწარმოებს ქვეყანაში მოცირკულირე SARS-CoV-2-ის შტამების გავრცელების მონიტორინგს. ეპიდზედამხედველობის ფარგლებში, ქვეყანაში შემოსულ 5 მოგზაურიდან აღებული ნიმუშის PCR კვლევებითა და სექვენირებით დადგენილ იქნა, რომ აღნიშნული პირები ინფიცირებული იყვნენ SARS-CoV-2-ის ინდური შტამით.
ყველა ინფიცირებული იდენტიფიცირებული და იზოლირებულია. ისინი საქართველოში შემოვიდნენ სხვადასხვა თარიღში, ერთი და იგივე ქვეყნიდან, თუმცა სხვადასხვა ქვეყნის მოქალაქენი არიან. სამმა მათგანმა უკვე დატოვა ქვეყნის ტერიტორია.
ეპიდკვლევების მონაცემებით მათი კლინიკური მდგომარეობა დამაკმაყოფილებელია,” – ნათქვამია დაავადებათა კონტროლის ეროვნული ცენტრის მიერ გავრცელებულ განცხადებაში.
