News დაიჯესტი
ახალი ზელანდიის ტერაქტში ბრალდებულს, იარაღზე ქართულ წარწერები ქონდა !
- ნახვები899
- ლაიქები0
ბრენტონ ტარანტის სასამართლომ 5 აპრილამდე წინასწარი პატიმრობა შეუფარდა. ახალი ზელანდიის ქალაქ ქრაისთჩერჩში მდებარე ალ ნურის მეჩეთში პარასკევის ლოცვის დროს შეიარაღებული მამაკაცი შევარდა და მლოცველებს ცეცხლი გაუხსნა. თავდასხმის შედეგად 40 ადამიანი დაიღუპა, კიდევ ათეულობით მლოცველი დაშავდა. თავდასხმის დროს ერთ მეჩეთში 200-მდე, ხოლო მეორეში 300-მდე ადამიანი იმყოფებოდა.
ჟურნალსიტი ნინო ბურჭულაძე „პრაიმტაიმთან“ საუბარში არ გამორიცხავს, ბრალდებულის საქართველოში ჰყოფნის შესაძლებლობას. მისი განმარტებით, ბრენტონ ტარანტი „7 წელი მოგზაურობდა იმ ქვეყნებში, რომლებიც თურქეთს ებრძოდნენ“. სწორედ ამით ხსნის ჟურნალსიტი იარაღის მჭიდზე ქართულ წარწერებსაც:
„ძალიან ძნელია ასეთ მოკლე დროში გავიგოთ მიზეზი, რატომ ეწერა ქართველი მხედარმთავრების სახელები მჭიდებზე, თუმცა იქიდან გამომდინარე, რომ მჭიდებზე სხვა წარწერებიც იყო, ჩვენ შეგვიძლია გვქონდეს ჩვენი ვერსიები.
ქართველი მეფის და მხედარმთავრის სახელების გარდა წერია სხვა იმ კონკრეტული ადამიანების გვარ-სახელებიც, ვისაც დიდი წვლილი მიუძღვის მაჰმადიანური სამყაროს წინააღმდეგ ბრძოლაში. ყველა ამ წარწერას აერთიანებს თურქეთის წინააღმდეგ ბრძოლა. შესაძლოა, სწორედ ამ მიზეზით მოხდა დავით აღმაშენებლისა და დავით სოსლანის სახელები მჭიდებზე.
თუმცა მე მინდა გითხრათ ერთი საინტერესო დეტალი, რომელიც ახლახანს გამოჩნდა მედიაში. თვითონ ეს ავსტრალიელი ტერორისტი 7 წლის განმავლობაში მოგზაურობდა მსოფლიოში, მოგზაურობდა სწორედ იმ ქვეყნებში, რომლებიც თურქეთს ებრძოდნენ და თავის დროზე, თავი გამოიჩინეს თურქების წინააღმდეგ ბრძოლაში.
როგორც უკრაინული მედია წერს, ის, შესაძლოა, უკრაინაშიც ყოფილიყო. თუ მართლაც ასეა, შეგვიძლია ვივარაუდოთ, რომ მოგზაურობის დროს, არ არის გამორიცხული, ის საქართველოსაც სწვეოდა,“ – ამბობს „პრაიმტაიმთან“ საუბარში ჟურნალისტი ნინო ბურჭულაძე.
