News დაიჯესტი
გარდაიცვალა მსახიობი გურანდა გაბუნია
- ნახვები594
- ლაიქები0
გარდაიცვალა თეატრისა და კინოს მსახიობი გურანდა გაბუნია.
მსახიობის გარდაცვალება პირველ არხს ოჯახის ახლობლებმა დაუდასტურეს.
გაბუნია 80 წლის ასაკში, ავადმყოფობის შედეგად გარდაიცვალა.
გურანდა გაბუნიამ 1960 წელს დაამთავრა საქართველოს თეატრალური ინსტიტუტის სამსახიობო ფაკულტეტი. მიღებული აქვს საქართველოს სახალხო არტისტი წოდება. 1997 წელს იყო ფოთის საპატიო მოქალაქე. მიღებული აქვს ღირსების ორდენი, იყო კოტე მარჯანიშვილის სახელობის პრემიის ლაურეატი.
ნათამაშები აქვს 20-მდე ქართულ ფილმში, მათ შორის „თოჯინები იცინიან“, „მზე შემოდგომისა“, „დათა თუთაშხია“, „თბილისი ჩემი სახლია“.
სხვადასხვა დროს იყო მარჯანიშვილის, რუსთაველისა და რუსთავის დრამატული თეატრის მსახიობი.
