“მარტო არ დავტოვოთ ზაზა სარალიძე,19:00 საათზე,მივიდეთ პარლამენტის შენობასთან”,-ნიკოლოზ მაჭუტაძე

მას შვილი მოუკლეს. წაართვეს პატარა ბიჭი, მისი ცხოვრების და არსებობის მთავარი აზრი და ახლა სამართლის აღსრულების ნაცვლად, ცინიზმითა და შევიწროებით ეკიდებიან, დამნაშავეებს ხელს აფარებენ, უთვალთვალებენ, კვლავ ყოველდღიურად ამწარებენ, ამ საშინელებით კვლავ უკლავენ პატარა დათუნას.

ამ ტრაგედიამ თითოეული ჩვენგანი შეძრა დეკემბერში.

ხელისუფლების და ე.წ. სამართალდამცავი სისტემის საშინელმა მდგომარეობამ, მის მესვეურთა ამაზრზენმა საქციელმა გაგვაბრაზა, გაგვამწარა, გული აგვირია ჩვენს სახელმწიფოზეც კი, მისი დამოუკიდებლობის ასწლოვანი იუბილესას.

ჩვენს სახელმწიფოს გამართლება სჭირდება, ჩვენს ადამიანობასაც და მოქალაქეობასაც და ეს გამართლება ამ კაცის გვერდით დგომაში, მის მარტო არ დატოვებაშია დღეს.

სხვაში არაფერში.

მაშ, ასე – ყველას გელით დღეს რუსთაველზე, 19:00 სთ.-ზე. არ დარჩეთ სახლებში, ეს სინდისის საკითხია და თქვენივე სინდისი მოგკითხავთ მდუმარებისა და უმოქმედობის ცოდვებს.

წყარო: ნიკა მაჭუტაძე