News დაიჯესტი
გიგა ოთხოზორიას დედა: ტატუნაშვილების ოჯახის ტკივილი ჩემი ოჯახისთვის ძალიან ახლობელია
- ნახვები498
- ლაიქები0
ტატუნაშვილების ოჯახის ტკივილი ჩემი ოჯახისთვის ძალიან ახლობელია, – ამის შესახებ ხურჩა-ნაბაკევის ე.წ. საზღვართან მოკლული გიგა ოთხოზორიას დედამ, ჯულიეტა ჭანტურიამ განაცხადა.
როგორც მან აღნიშნა, მისი შვილიც მტრის ტყვიას შეეწირა.
“მათი ტკივილი ჩვენი ოჯახისთვის ძალიან ახლობელია. ზუსტად 1 წლისა და 10 თვის წინ ჩემი შვილი ვერაგულად მოგვიკლა მტრის ტყვიამ. მასაც არ აპატიეს, რომ ქართველი ადამიანი, ქართული პასპორტი დაიცვა და ყველას თვალწინ 6 ტყვიით ჩამიცხრილეს. ანალოგიურ სიტუაციაში აღმოჩნდა ეს ოჯახი. ნაწამები შვილის სხეული 26 დღის შემდეგ ძლივს მიიღეს, რომ მოფერებოდნენ და მისთის საკადრისი პატივი მიეგოთ”, – განაცხადა ჯულიეტა ჭანტურიამ.
გიგა ოთხოზორიას ოჯახის წევრები წილკანში ჩავიდნენ, სადაც არჩილ ტატუნაშვილის ოჯახს მიუსამძიმრეს.
