News დაიჯესტი
თბილისში ქალმა 3 წლის ბავშვი დაჭრა – ,,მშობლების თვალწინ დანა გადაუსვა სახეზე” – ვიდეო
- ნახვები8040
- ლაიქები0
ცოტა ხნის წინ პეკინის ქუჩაზე 3-დან 5 წლამდე ავშვი დაჭრეს. თვითმხილველების თქმით, ზებრა ხაზზე გადმოვიდა უცნობი ქალი, ბავშვთან დაიხარა, სახეზე დანა დაუსვა და დაჭრა.
თვითმხილველები ამბობენ, რომ ჭრილობა საკმაოდ ღრმა იყო. პირველადი დახმარება მცირეწლოვანს მიმდებარე აფთიაქში გაუწიეს.
-დავინახეთ, როგორ მიუახლოვდა მსუქანი ქალი ბავშვს და სახეზე ხელი ჩამოუსვა… მერე გაიქცა. მამა გაეკიდა, მაგრამ მერე თავი დაანება, ბავშვისკენ მობრუნდა, – უყვებიან „პრაიმტაიმს“ თვითმხილველები.
-გვეგონა, ეფერებოდა, – აცხადებენ სასოწარკვეთილი მშობლები. მათი თქმით, ეს ქალი მათ არასდროს უნახავთ.
მცირეწლოვანი ამჟამად ჟვანიას სახელობის კლინიკაში იმყოფება. მის სიცოცხლეს საფრთხე არ ემუქრება.
გამოძიება სისხლის სამართლის კოდექსის 117-ე მუხლის მე-5 ნაწილით დაიწყო, რაც ჯანმრთელობის განზრახ მძიმე დაზიანებას გულისხმობს. დანაშაული 7 დან 10 წლამდე ვადით თავისუფლების აღკვეთას ითვალისწინებს.
