News დაიჯესტი
მამუკა ხაზარაძე ხის ჭრაზე ხუთწლიან მორატორიუმს ითხოვს
- ნახვები504
- ლაიქები0
ბორჯომის ხეობაში სტიქიის შედეგების გათვალისწინებით, რა დროსაც, წინასწარი მონაცემებით დაახლოებით 100 ჰექტარზე მეტი ტყის მასივი განადგურდა, ბიზნესმენი მამუკა ხაზარაძე კანონმდებლებს თხოვს, რომ არამარტო ბორჯომში, არამედ საქართველოს მთელ ტერიტორიაზე ხის ჭრაზე ხუთწლიანი მორატორიუმი გამოცხადდეს. ამის შესახებ ის Facebook-ის საკუთარ გვერდზე წერს.
“ბორჯომის ხანძარმა დიდი ზიანი მოგვაყენა თითოელ ჩვენთაგანს. განადგურდა უზარმაზარი, უნიკალური ტყის მასივი. იმის გათვალისწინებით, რომ ტყეს და ზოგადად ხეს საქართველოს სხვა ადგილებში და განსაკუთრებით დედაქალაქში არ ვწყალობთ, ვფიქრობ დადგა დრო კანონმდებლებმა გამოაცხადონ მინიმუმ 5 წლიანი მორატორიუმი ხის ჭრაზე ქვეყნის მთელ ტერიტორიაზე“ – წერს ბიზნესმენი.
ბორჯომის დამწვარი ტყის 10 ჰექტარი თიბისი ჯგუფისა და კომპანია ბორჯომის მიერ აღდგება. ამ ინიციატივის შესახებ ხაზარაძემ რამდენიმე დღის წინ განაცხადა.
