კლინიკო ბიო ქიმიური და იმუნოფერმენტული ლაბორატორიის ხელმძღვანელი ექიმი ციტოლოგი ნინო გრინევსკაია

0
454
ნინო გრინევსკაია მედიკოსთა ეროვნული დაჯილდოების ცერემონიალის ერთ-ერთი ნომინანტი ექიმია, კერძოდ ის “წლის ექიმი 2018”-ის და “რეგიონში ჯანდაცვის განვითარებაში შეტანილი წვლილისთვის” ნომინაციებზეა წარდგენილი. გთავაზობთ ინტერვიუს ნომინირებულ ექიმთან:
1)როდის გადაწყვიტეთ გამხდარიყავით ექიმი?
ბავშვობიდან ძალიან მიტაცებდა ხელოვნება,მინდოდა ჩამებარებინა საესტრადო-სამსახიობო ფაკულტეტზე,პატარაობიდანვე მიყვარდა სარკის წინ ტრიალი, ხან ვმღეროდი, ხან კიდევ თეატრალურ სცენებს ვდგავდი. მაგრამ ჰობად დამრჩა ჩემი სამსახიობო ოცნებები. ექიმობაც ძალიან მომწონდა,ვინაიდან დედა სამედიცინო სფეროში მუშაობდა და მხიბლავდა მისი თბილი ურთიერთობა პაციენტებთან. ამ დამოკიდებულებამ პაციენტების მიმართ გავლენა მოახდინა ჩემი პროფესიის არჩევისას, ვფიქრობდი, რომ მე უფრო ღირსეულ საქმეს გავაკეთებდი, რასაც ადამიანის ჯანმრთელობის და სიცოცხლის შენარჩუნება ჰქვია.
2)წარმატებული მედიკოსი ბრძანდებით,რა არის ამის მიზეზი?
ჩემი პროფესიისადმი უანგარო და უსაზღვრო სიყვარული, ეს არის ჩემი წარმატების ფორმულა
3)როგორი უნდა იყოს კარგი ექიმი?
უნდა უყვარდეს საკუთარი საქმე და ადამიანი,პაციენტის პრობლემები გაითავისოს როგორც საკუთარი,მისცეს კომპეტენტური რჩევა -დარიგება როგორც ახლობელ ადამიანს.
4)კარიერის გამო თუ გითქვამთ უარი რაიმეზე?
კარიერის გამო ჩემი ცხოვრების არცერთ ეტაპზე არ დამჭირვებია რაიმეზე უარის თქმა.
5)თქვენი ჰობი?
ჩემი ჰობია სიმღერა , ცეკვა, პოეზია,, მაქვს საკუთარი ლექსებიც და თუ გარკვეუი რაოდენობა დამიგროვდა ლექსების კრებულის გამოცემასაც ვაპირებ.
6)მოგვიყევით თქვენს ოჯახზე
სამწუხაროდ განქორწინებული ვარ,,ჩემი ყოფილი მეუღლეც ექიმია, მყავს ქალიშვილი ,მომავალი კოლეგა.

 

7)მედიკოსთა ეროვნული დაჯილდოების ცერემონიალზე ხართ წარდგენილი,,,ექიმი2018”ნომინაციაზე და ,,რეგიონში ჯანდაცვის განვითარებაში შეტანილი წვლილისთვის”რას ნიშნავს თქვენთვის ეს ნომინაციები?
ეს არის დიდი პატივი და პასუხისმგებლობა,რომ წარმადგინეთ დაჯილდოვების ცერემონიალზე, ეს არის სტიმული პირადად ჩემთვის! ვაკეთო ჩემი საქმე კიდევ უფრო უკეთესად,რისთვისაც გიხდით მადლობას.
8)რას ურჩევდით მომავალ კოლეგებს?
მომავალ კოლეგებს ვურჩევდი ,უყვარდეთ და იყვნენ თავიანთი საქმის პროფესიონალები,მუდმივად ახლის ძიებაში,პაციენტებისადმი გამოიჩინონ სითბო და გულისხმიერება.
9)ვინ არის ნინო გრინევსკაია თეთრი ხალათის მიღმა?
ნინო გრინევსკაია არის აბსოლუტურად ჩვეულებრივი ადამიანი, დედა, დიასახლისი, რომელსაც უყვარს სიცოცხლე და სიკეთის კეთება.
10)რას გეგმავთ სამომავლოდ კარიერაში?
დღითი-დღე განვითარდე ,მინდა გავაკეთო ჩემი კლინიკა,რომლის კარიც ყველასთვის ღია იქნება

კომენტარი

დატოვე პასუხი

Please enter your comment!
Please enter your name here