ნევროლოგი ნინო ხარაიშვილი.

0
1057
ნინო ხარაიშვილი მედიკოსთა ეროვნული დაჯილდოების ცერემონიალის ერთ-ერთი ნომინანტი ექიმია, კერძოდ ის “წლის ექიმი 2018”-ის და “რეგიონში ჯანდაცვის განვითარებაში შეტანილი წვლილისთვის” ნომინაციებზეა წარდგენილი. გთავაზობთ ინტერვიუს ნომინირებულ ექიმთან:
1)როდის გადაწყიტეთ გამხდარიყავით ექიმი?
დაახლოებით 11 წლის ვიქნებოდი, ბებოსთან სოფელში ვიყავი ჩასული, მახსოვს, ეზოში ერთი ფეხმოტეხილი წიწილა შევნიშნე. მოტეხილი ფეხი დავუფიქსირე- ჩემი ბავშვური წარმოდგენით, გავუწიე ე.წ “პირველადი დახმარება” და კარგად მახსოვს ის გრძნობა, რა ბედნიერი ვიყავი რომ დახმარება შევძელი. ხოლო ნევროლოგობა გადავწყვიტე სამედიცინო უნივერსიტეტში 4-ე კურსზე, როცა ნევროლოგიის შესწავლა დავიწყეთ, ჩემმა ლექტორმა ბატონმა არჩილ საყვარელიძემ შემაყვარა ნევროლოგია და საბოლოოდ სწორედ მან გადამაწყვეტინა ნევროლოგობა.
2)როგორი უნდა იყოს ექიმი?
ექიმი უნდა იყოს გულისხმიერი, მუდმივად იყოს ახლის ძიებაში. უნდა უყვარდეს ადამიანი და სიკეთის კეთება.
3)კარიერის გამო თუ გითქვამთ რაიმეზე უარი?
ზოგადად კარიერაში წინსვლა და მიღწევები მოითხოვს ადამიანისგან გარკვეულ დათმობებს, მითუმეტეს ექიმობა. ამავე დროს, მუდმივად გჭირდება ფლობდე განახლებულ ინფორმაციას, იყო მზად სიახლეებისთვის, რადგან მედიცინა სწრაფად განვითარებადი დარგია. პირადად მე მომიწია რამდენიმე წლით ცხოვრება საზღვარგარეთ ჩემი ოჯახისგან შორს. დღესაც ბევრჯერ მიწევს პირადი საქმეების გადადება. მაგრამ ჩვენი საქმე გვანიჭებს რა ბედნიერებას, ასევე მოითხოვს დროის და ენერგიის გაღებას.
4)რას გეგმავთ სამომავლოდ როგორც ექიმი?
ყოველთვის მაქვს გეგმები, მიზნები. პირველ ეტაპზე ვგეგმავ განვავითარო და შევქმნა თანამედროვე მაღალი სტანდარტების ინსულტის რეგიონალური ცენტრი, რომელიც ჩვენი ნევროლოგიური დეპარტამენტის მსგავსად, რეგიონში იქნება პირველი და ერთადერთი. ამისთვის რუსთავის ცენტრალური საავადმყოფოს ხელმძღვანელობის მხრიდან და პირადად დირექტორისგან გვაქვს სრული მხარდაჭერა. იგეგმება ნეოროინტერვენციის განვითარება. ცოტა ხნის წინ, ჩვენი ებრაელი კოლეგების მხარდაჭერით, ექსკლუზიურად მხოლოდ ჩვენთან დაინერგა: CT პერფუზია და iRapid- სტენფორდის უნივერსიტეტის ინოვაცია, რომელიც უსწრაფესად ახდენს თავის ტვინში უკვე არსებული იშემიური კერის და მოსალოდნელი დაზიანების ზუსტ ვიზუალიზაციას და ეს ყველაფერი ინსულტის დაწყებიდან პირველივე საათებში! ეს დიაგნოსტიკური ინოვაცია მხოლოდ მსოფლიოს წამყვანი კლინიკებშია დანერგილი და მათ რიცხვს, 1 თვის წინ ჩვენი კლინიკაც შეუერთდა! ეს არის უდიდესი წინ გადადგმული ნაბიჯი, რითაც ჩვენ გვეძლევა შესაძლებლობა დაინერგოს ინსულტის მკურნალობის ყველა თანამედროვე სტანდარტი (თრომბოლიზისი, თრომბექტომია). ასევე იგეგმება ინსულტის მკურნალობის მიმართულებით უმნიშვნელოვანეს კლინიკური კვლევებში მონაწილეობა.
5)რაზე ოცნობებს ნინო?
როგორც ექიმს მე არ მაქვს ოცნებები მაქვს მიზანები, მაგრამ როგორც ქართველი, ვოცნებობ გაბრწყინებულ და გამთლიანებულ საქართველოზე, სადაც არ იქნება სიდუხჭირე და ადამიანები ივლიან ბედნიერი სახეებით.
6)მოგვიყევით თქვენ ოჯახზე.
მყავს მეუღლე ამირან გარდაფხაძე და ორი შვილი: თინათინი 7 წლის და გიორგი 4 წლის. თინათინი უკვე თბილისის კლასიკური გიმნაზიის პირველი კლასის მოსწავლეა. მიუხედავად ჩემი გადატვირთული გრაფიკისა ყოველ საღამოს ერთად ვმეცადინეობთ. მიმაჩნია რომ დედის მხარდაჭერა ბავშვისთვის ამ ეტაპზე უმნიშვნელოვანესია. ჩემი მეუღლე პროფესიით ეკონომისტია, არ არის ექიმი,მაგრამ მუდმივად ამისა მუდამ მხარს მიჭერს და მეხმარება ყველა სირთულის დაძლევაში, იგი ამავე დროს ჩემი საუკეთესო მეგობარია. ვფიქრობ, მეუღლისგან ასეთი თანადგომა ყველა ექიმს სჭირდება, ჩვენი პროფესიის სირთულის გამო.
7),,წლის ექიმი2018”და ასევე ,,რეგიონში ჯანდაცვის განვითარებაში”შეტანილი წლილისთვის ჯილდოვდებით მედიკოსთა ეროვნული დაჯილდოების ცერემონიალაზე,რას ნიშანს ეს ნომინაციები თქვენთვის?
პირველ რიგში უღრმესი მადლობა “ექიმები 2018”-ს ადმინისტრაციას და ბორდს ამ ნომინაციებზე ჩემი წარდგენისათვის. ეს ჩემთვის უდიდესი პატივია და ამავე დროს დიდი სტიმული მომავალში გავაკეთო კიდევ უფრო მეტი! ძალიან მეამაყება რომ ვარ ასეთი ეროვნული პროქტის მონაწილე, ეს არის პროექტი რომელიც წაახალისებს და შთააგონებს ადამიანებს აკეთონ მეტი სიკეთე, უღრმესი მადლობა ამისთვის პირადად ქალბატონ მარიამ გოგრიჭიანს!

დატოვე პასუხი

Please enter your comment!
Please enter your name here