ექიმი კოსმეტოლოგი ქეთევან ჭულუხაძე

0
728

ქეთევან ჭულუხაძე მედიკოსთა ეროვნული დაჯილდოების ცერემონიალის ერთ-ერთი ნომინანტი ექიმია, კერძოდ ის “წლის ექიმი 2018”-ის ნომინაციაზეა წარდგენილი. გთავაზობთ ინტერვიუს ნომინირებულ ექიმთან:

როდის გადაწყვიტეთ რომ ექიმი გამხდარიყავით?

ექიმების გარემოცვაში გავიზარდე. ბებიები, დეიდა, ბიძები, მაგრამ ალბათ გადაწყვეტილება მაინც მე მივიღე! თან საკმაოდდ უცნაური სიტუაციის დროს! კარგად მახსოვს ჩემ სათამაშო უზარმაზარ დათუნიას ოპერაცია გავუკეთე სტომატოლოგის ნაკრებით და სისხლდენა რომ აუტყდა “ზაჟიმით” გადავუჭრე.

თუ გითქვამთ რაიმეზე უარი ექიმობის გამო?

რომ ვუკვირდები ალბათ მითქვამს! პირად ცხოვრებაზე და სხვა ქვეყანაში მუშაობაზე… მე მინდა რომ ჩემი ხალხი გავალამაზო!

 

ვინ არის ქეთი ჭულუხაძე თეთრი ხალათის მიღმა?

თეთრი ხალათის მიღმა პირველ რიგში დედა ვარ! მეგობარი… მაქსიმალისტი ყველაფერში და უაზროდ ბევრ რამეში გარკვეული.

რაზე ოცნებობს ქეთი?

ორიგინალური ვერ ვიქნები, ვოცნებობ იმაზე რომ მათხოვარი მოხუცები და ბავშვები ქალაქის ქუჩებში არ იყვნენ. მედიცინა საქართველოში იყოს მაღალი სტანდარტებით. უპატრონო ძაღლები არ იყვნენ და სე შემდეგ.

“წლის ექიმი 2018”-ს ნომინაციაზე ხართ წარდგენილი, რას ნიშნავს თქვენთის ეს ნომინაცია?

ნომინაციაზე წარდგენა სიურპრიზი თან ძალიან სასიამოვნო… ეს ყველაფერი კი იმას ნიშნავს რომ მე დამაფასეს! დაინახეს ჩემში ის სპეციალისტი ვინც იმსახურებს ამ ჯილდოს ეს არაა ასეთი ადვილი…

რას ურჩევდით მომავალ კოლეგებს?

რჩევა მომავალ კოლეგებს… გიყვარდეთ თქვნი პროფესია! სულ ისწავლეთ, სულ ახალი ეძებეთ! გქონდეთ ფანტაზია და გემოვნება. უნდა გესმოდეთ თქვენი პაციენტის. გულით მიუდექით ყველას! თუ თქვენთან მოვიდა ესეიგი თქვენი იმედი და რწმენა აქვს! გაუმართლედ იმედები! პაციენტის ბედნიერი თვალები ყველაზე დიდი საჩუქარია!

ჰობი გაქვთ?

ჰობი… ჩემთვის საინტერესო თემა. ფოტოხელოვანი რომელიც მოტოებს უღებს ფოტოებს… უდიდესი კოლექცია მაქვს! გრეთვე ინტერიერის დიზინი… სამედიცინოს მერე გეპეის არქიტექტურულზე ჩავაბარე, მაგრამ ვერ გავაგრძელე სწავლა დროის უქონლობის გამო…

როგორ უნდა იყოს მედიკოსი თქვენი აზრით?

მედიკოსი ეს არის სხვა ადამიანი… ან ხარ ან არა! ყველაფერი ერთად უნდა იყო! ჭკვიანი, ნაკითხი, მოსიყვარულე, ადამიანი! ინტერესიანი და კრეატიული! შენი სპეციალობა შენი ნაწილი უნდა იყოს! პაციენტი ისე უნდა მიიღო და გაისტუმრო როგორც შენ მოგეწონებოდა მის ადგილზე რომ ყოფილიყავი. სულ უნდა ვითარდებოდე და სულ უფრო უნდა გაინტერესებდეს სიახლეები… მეტიც შენ უნდა შექმნა შენი ხელწერა!

კომენტარი

დატოვე პასუხი

Please enter your comment!
Please enter your name here