ინფექციონისტი ნანა გონგაძე

0
366
ქალბატონი ნანა გონგაძე მედიკოსთა ეროვნული დაჯილდოების ცერემონიალის ორ ნომინაციაზეა წარდგენილი, “წლის ექიმი 2018” და “რეგიონში ჯანდაცვის განვითარებაში შეტანილი წვლილისთვის” გთავაზობთ ინტერვიუს ნომინირებულ ექიმთან:
როგორი ბავშვობა გქონდათ?
ძალიან კარგი და ბედნიერი ბავშვობა მქონდა. მშობლები ძალიან მანებივრებდნენ განსაკუთრებით მამა. მამას სურვილი იყო ჟურნალისტი გამოვსულიყავი ან იურისტი.
როდის გადაწყვიტეთ განხდარიყავით ექიმი?
ბავშვობიდან ექომობაზე ვოცნებობდი. და ავისრულე კიდეც.
როგორი უნდა იყოს კარგი ექიმი?
კარგი ექიმი აუცილებლად განათლებული უნდა იყოს , მუდმივად უნდა ეცნობოდეს სიახლეებს როგორც სამამულო ასევე უცხოელი კოლეგების გამოცდილებებს უნდა იზიარებდეს და ხელმძღვანელობდეს არსებული გაიდლაინებით! რა თქმა უნდა გულისხმიერება მთავარი სამკაულია ჩვენი პროფესიისთვის.
პროფესიის გამო თუ გითქვამთ რაიმზე უარი?
დღესაც მიწევს უარის თქმა ბევრ რამეზე, ჩვენი პროფესია მთლიანად მოითხოვს ჩვენს დროსა და ენერგიას.
გყავთ პაციენტები რომლებიც სულ გახსოვთ?
მყავს პაციენტები რომლებთანაც ვმეგობრობ. ანუ ჯერ პაციენტებად გავიცანი და დღეს მეგობრები ვართ.მყავს პაციენტი რომელსაც მართლაც სიცოცხლე შევუნარჩუნე და შემდეგ მოვნათლე კიდევაც.
მოგვიყევით თქვენს ოჯახზე
მყავს მეუღლე და ერთი ვაჟი რომელსაც ჰყავს მეუღლე და ერთი ვაჟი, ახლა ველოდებით მეორე შვილიშვილს, გოგონას. საკმაოდ წარმატებული ახალგაზრდები არიან თანაკურსელები იყვნენ, დასაქმებულნი არიან. მე მეორე კურსზე ვიყავი ოჯახი რომ შევქმენი მაგრამ ამას ჩემთვის ხელი არ შეუშლია რადგან მეუღლე ძალიან მეხმარებოდა ბავშვის აღზრდაში.
თუ გაქვთ რაიმე განსაკუთრებული ჰობი?
მაქვს პატარა ბაღი რომელიც ჩემი დიზაინით გავაშენე და მე თვითონ ვუვლი.
ქალბატონო ნანა მედიკოსთა ეროვნული დაჯილდოების ცერემონიალზე ხართ წარდგენილი ,,წლის ექიმი2018” და ასევე რეგიონში ჯანდაცვის განვითარებაში შეტანილი წვლილისთვის,რას ნიშნავს თქვენთვის ეს ნომინაციები?
პირველ რიგში მადლობა მინდა გადავუხადო ყველას ასეთი შეფასებისთვის რა თქმა უნდა ძალიან ბედნიერი ვარ და კიდევ უფრო მეტ პასუხისმგებლობას მაკისრებს.
რას ურჩევდით მომავალ მედიკოსებს?
მიყვარს ახალგაზრდები, მათ გვერდით ჩემი ასაკი მავიწყდება. აცალგაზრდებს ვურჩევდი რომ აუცილებელია წინა თაობის გამოცდილებას საკუთარი ცოდნა დაუმატონ, თან მუდმივად ახლის ძიება აი ეს არის წარმატების საწინდარი.

კომენტარი

დატოვე პასუხი

Please enter your comment!
Please enter your name here