მეტრო „მარჯანიშვილში“ მომხდარზე სატრანსპორტო კომპანია განცხადებას ავრცელებს

0
1910

თბილისის სატრანსპორტო კომპანია მეტროსადგურ „მარჯანიშვილში“ განთავსებულ ბანერზე ცეცხლის გაჩენასთან დაკავშირებით, განცხადებას ავრცელებს.

როგორც კომპანიის განცხადებაშია აღნიშნული, დღეს, 12:32 საათზე მეტროსადგურ „მარჯანიშვილის“ ქვედა ვესტიბიულში განთავსებულ სადგურის მაჩვენებელზე მოკლე ჩართვამ მცირე კვამლი გამოიწვია.

„შესაბამისი სამსახურის ოპერატიური ქმედების შედეგად, ტაბლოს დროულად შეუწყდა ელექტროენერგიის მიწოდება და ხარვეზი აღმოიფხვრა. აღნიშნულ ფაქტს არ გამოუწვევია მოძრაობის შეფერხება. მეტროსადგური „მარჯანიშვილი“ ჩვეულ რეჟიმში განაგრძობს მგზავრების მომსახურებას. თბილისის სატრანსპორტო კომპანია ბოდიშს გიხდით შექმნილი დისკომფორტისათვის“, – ნათქვამია თბილისის სატრანსპორტო კომპანიის განცხადებაში.

30 იანვარს, მეტროსადგურ ვარკეთილში ჭერი 10:30 საათისთვის ჩამოინგრა. უბედური შემთხვევის შედეგად 14 ადამიანი დაშავდა.

იხ.ვრცლად

კომენტარი

დატოვე პასუხი

Please enter your comment!
Please enter your name here